|
|
|
| http://www.goraleslascy.pl |
:: Szkubaczka na Ostatki
Wiadomość dodana przez: gorale (2010-02-11 11:06:57)
Serdecznie zapraszamy w poniedziałek 15 lutego 2010r. wszystkich mieszkańców i turystów na ''szkubaczkym z muzykóm'' do Koniakowa.
- rozpoczęcie o godz. 14.00 w remizie strażackiej OSP w Koniakowie.
Program:
- szkubani piyrzo z tradycyjnym śpiywanim, łopowiadanim, muzykóm i tańcowanim.
Mile widziane stroje góralskie. Szkubaczka potrwa w godz. 14:00 - 19.00
Organizatorzy: GOK Istebna, OSP Koniaków i Zespół "Koniaków".
Szkubaczki to było wdycki świynto, bo sie zbiyrały gaździny s całej dziedziny i szły szkubać piyrzi. Tako gaździna, kiero śła na Szkubaczki sie nazywała szkubaczorka. Było tak, że Szkubaczki trefiły na jaki świynto, abo na jakisi ważny dziyń, tóż baby sie musiały wyrychtować i wystrojić, jakoby śłły na wiesieli. Na Szkubaczki sie szło do tej chałupy, kany była dziywka na wydaniu. Każdo dziywka potrzebowała wiano, coby ji chłop nie wyćitoł, że ni mo nic. Tóż musiała mieć aspóń szumnóm pierzinym i zogłowki. Tako młoducha, co miała pierzinym a jeśće cosi w trówle to było cosi. Ale piyrśi było trzeba tóm pierzinym usuć, tóż baby na szkubaczkach miały co robić.
Szkubaczki
Szkubaczki były z muzykóm, z potańcówkóm, abo bez. Jak były s muzykóm to były Szkubaczki do porzóndku i nazywały sie wyblyszczóne, szło se pojejść, wypić i jeszcze pozwyrtać. Ślepo szkubaczka była bez potańcówki. Dycki gaździno – Mama młoduchy dowała po kósku buchty, a gazda musioł mieć narychtowanóm warzónke. Baby szkubały i śpiywały, a chłopi szli do szopy, abo do chlywa i tam se polywali. Chłapcy, kierzi uż podziywali sie na dziywki, siedzieli pod oknami i podglóndali co sie robi w chałupie. Potym jednako wdycki prziśeł gdosi s hóślami s gajdami zagrali i zaczynało sie tańcowani. Na szkubaczkach też wdycki sie opowiadało o straszydłach, utopcach, abo o debłach. Opowiadoł to starzik, abo starka – bo óni wiedzieli nejwiyncyj.
/na podstawie: www.gwara.zafriko.pl
/ Dzisio uż szkubaczek sie nie robi, bo pierzin sie uż nie suje, a zogłowki idzie kupić w magazynie, ale czasym by sie tak ludzie mógli roz za czas zynść, porozrzóndzać, pośpiywać a potym se potańcować.... Ale my właśnie na takom szkubaczkym serdecznie zapraszómy!!!!
|
adres tej wiadomości: http://www.goraleslascy.pl/news.php?id=21649